主页 > P半生活 >东京迪士尼推出电子Fast Pass 用手机悭返排队时间 >
东京迪士尼推出电子Fast Pass 用手机悭返排队时间
日本东京迪士尼係唔少游客必去嘅地方，但要入去玩机动游戏，次次都要冲去排队拎Fast Pass，减少等候嘅时间。当地营运商Oriental Land公布，东京迪士尼乐园、东京迪士尼海洋自今日（7月23日）起，可以利用智能手机领取Fast Pass。正呀！
日本东京迪士尼唔少机动游戏都要排队，所以园内就使用Fast Pass制度。入场嘅人可以喺想玩嘅机动游戏前面领取Fast Pass，然后喺指定时间报到，就唔使排队啦。但係喺拎传统Fast Pass嗰个位，通常都会有人龙。
传统领取Fast Pass方法
营运商Oriental Land公布，由今年夏天开始，除咗可以用传统方法拎Fast Pass之外，游客仲可以利用智能手机领取17个热门设施嘅FastPass，连排队嘅时间都悭返！
只要用官方App「Tokyo Disney Resort」（在日本APP Store或Google Play下载以及需要申请帐号登入），Scan咗自己同朋友嘅门票，就可以选择你想领取嘅FastPass，真係超级超级方便。
不过，电子Fast Pass同传统Fast Pass一样，拎完一次之后，需要隔2个钟先可以拎另一设施嘅Fast Pass。
现时美国同上海迪士尼都有引入手机领取Fast Pass制度，但就有日本网民话自己喺上海体验过该系统，但因为太多人用电话拎Fast Pass，最后需要不停更新页面先拎到。
